Дорогие друзья!
По благословению настоятеля молимся соборно от распространения эпидемии ежедневно в 9.00 и в 21.00.
Кто не может в это время, присоединяйтесь в любое свободное.
Прошения на сугубой ектении Божественной литургии,
возносимая во время распространения вредоносного поветрия
Еще молимся Тебе, Господу Богу нашему, о еже милостивно пощадити нас от губительнаго поветрия на ны движимаго и избавити верныя люди Твоя от смерти душевныя и телесныя, недугующим исцеление и здравие подати, нам же всем Твое божественное ограждение и заступление, молим Тя, милосерде Господи, скоро услыши и милостивно помилуй.
Еще молимся, о еже умирити смятение человек и страхования всяческая, упованием твердым оградити верных Своих, мир же и тишину вселити в сердца наша, молим Ти ся, Господи, услыши и помилуй.
Молитва во время распространения вредоносного поветрия чтомая
Господи Боже наш, не вниди в суд с рабы Твоими, и огради нас от губительнаго поветрия на ны движимаго. Пощади нас смиренных и недостойных рабов Твоих в покаянии с теплою верою и сокрушением сердечным к Тебе милосердному и благопременительному Богу нашему припадающих и на милость Твою уповающих.
Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Из молебного пения во время губительного поветрия и смертоносной заразы
Тропарь, глас 2
Во гне́ве Твое́м, Бо́же, помяни́ щедро́ты Твоя́, прах бо и пе́пел есмы́, и не я́ростию Твое́ю обличи́ нас, да не поги́бнем до конца́, но пощади́ ду́ши на́ша, я́ко еди́н Милосе́рд.
Кондак, глас 7
Боле́зни а́довы обыдо́ша нас, и покры́ нас сень сме́ртная, и я́ко воск от огня́, дни́е на́ши та́ют от лица́ гне́ва Твоего́, Го́споди: но я́ко Щедр, во гне́ве ми́лости помяни́ и пощади́ люде́й Твои́х, да жи́ви су́ще в покая́нии сла́вим Тя, еди́наго Человеколю́бца.
МОЛИТВА КО ГОСПОДУ ВО ВРЕМЯ ЭПИДЕМИИ
Го́споди Бо́же на́ш! Услы́ши с высоты́ свята́го Твоего́ Престо́ла на́с, гре́шных и недосто́йных рабо́в Твои́х, бла́гость Твою́ греха́ми свои́ми прогне́вавших и милосе́рдие Твое́ удали́вших, и не взыску́й с рабо́в Твои́х, но отврати́ стра́шный гне́в Тво́й, справедли́во на́с пости́гший, прекрати́ па́губное наказа́ние, удали́ стра́шный ме́ч Тво́й, неви́димо и безвре́менно на́с поража́ющий, и пощади́ несча́стных и сла́бых рабо́в Твои́х, и не обрека́й на сме́рть души́ на́ши, в покая́нии прибега́ющих с истомле́нным се́рдцем и со слеза́ми к Тебе́, Бо́гу Милосе́рдому, мольба́м внима́ющему и переме́ну подаю́щему. И́бо Тебе́ принадлежи́т ми́лость и спасе́ние, Бо́же на́ш, и Тебе́ славосло́вие прино́сим, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь